माझी मराठी शाळा..

पहिल्या दिवशी मला शाळेला जायची लय हौस,

त्यात जून महिना म्हंटल्यावर खुप-खुप पाऊस,

खाकी चड्डी आणि पांढरा-पांढरा सदरा,

वर्गात सगळ्यांचेच नव-नवीन चेहरा,

वर्गात काळा काळा फळा, अन् माझी मराठी शाळा..😊

माझ्या वर्गाची संख्या पस्तीस पट,

हुशार-ढ, मुला-मुलींचे पडायचे गट,

सातवी झाली आता संपणार होती शाळा,

मग शेवटी घेतला निरोप समारंभ सोहळा,

वर्गात काळा काळा फळा, अन् माझी मराठी शाळा..😊

माझ्या वर्ग शिक्षिका बाई भागवत,

काही चुकलं तर सर्वांना सावरत,

अभ्यास पूर्ण नसल्यावर कमी रागवत,

पण एळकाच्या काठीने लय मारत,

वर्गात काळा काळा फळा, अन् माझी मराठी शाळा..😊

               ............🖋️श्रीकांत पिंगळे😊