खरं खोटं

सतत कागदावर काही तरी लेखटण्याचा खटाटोप,

लिहिण्यास बसतो तेव्हा मनात शब्द कल्लोळ,

एक दोन शब्द लिहून पुढं लेखणी काही उमटत नाही,

खरं काय, खोटं  काय अंतर्मनात काही लपत नाही....!

मी बोलतो ते खरं, तू बोलतो ते खोटं,

तू बोलतो ते खरं, मी बोलतो ते खोटं,

प्रत्येक भेटीत चालला आहे हाच वाद,

खरं काय, खोटं  काय अंतर्मनात काही लपत नाही....!

सोबत नसतानाही चालतो तुझा माझा संवाद,

एखादा शब्द वाकडा गेला तर होतो वाद,

शांतता भंग करून तू मी देतो एकमेकांला साद,

खरं काय, खोटं  काय अंतर्मनात काही लपत नाही....!

              ............🖋️श्रीकांत पिंगळे😊